snow_cat86 on Xanga

Snowcat's Diary

Sunday, 10 May 2009

生日後記~

其實想打一篇日記好耐了, 但真係好忙...每日返工時間佔左大部份...
放左工又累到唔想再郁~~星期六長週諗住係公司打~~但估唔到今個長週會有野做~
anyway...今日年呢個生日真係過得好...奇怪/特別/騎呢....
以為甘耐無係香港過生日, 應該會過得好開心?! 但又唔係真係十分開心..只係好平淡甘過左
正日要返工...好彩既係無咩特別事發生左..工作都好順利甘完成...准時收工甘...
仲有係間中做到好頹時聽到同事同我講生日快樂...果下真係好窩心既...
因為都無expect拒地記得~畢竟都識左唔耐.....所以我覺得都好OK~~
同埋其實之前有出左去打邊爐既同拒地~所以都算唔錯呀~~我不嬲都覺得我D同事大部份幾好既其實...
至于friend....差唔多個個都記得我生日呀~所以都已經好滿足架啦...
但係有件事..真係唔講唔得..話說我以為某位好朋友嬲左我所以就無同我講生日快樂
但我返到屋企時發現原來拒係記得既..開心到我呢~~ 拒仲打左電話比我添~呢個真係算係最開心
係有失而復得既感覺!!! 最後都好多謝豬貓買左禮物, 蛋糕(COVA的超好食!) 同安排左生日飯比我
雖然可能唔係拒想象中甘好喇成件事...但其實我都好OK既...不過間野就其實唔多好食囉 ....
希望下年生日唔洗開工!!!

Sunday, 29 March 2009

有時, 會覺得自己都幾幸運. 每個時期, 都好似有一個super hero 會幫我見招拆招
但甘樣係好事, 定係唔好事呢? 真係唔知點講好... 有時好討厭自己會突然對某D人依賴.
覺得人地點樣幫自己係理所當然甘..但其實真係唔係囉..只係一個bonus囉...
唔! 以後都係要時刻remind自己...做任何野都應該要靠自己唔好下下依賴人...
唔係個個都可以依賴架!! 要清醒D!!!
講開呢樣...諗起以前o係中學係果邊時...最依賴既阿哥..而家已經返返去TO 啦..
其實有D失落..因為甘就好似隔左好遠甘... 相信以後都無咩機會同拒講野lu~~
不過拒呢D由細係果面大既~始終都唔屬于呢邊既..的確好難適應....
希望拒係果邊過得好啦~ 以後又少左個了解我既人同我傾計喇..唉

Anyway!! 返工都返得OK呀!今個禮拜終于無甘忙呀~非常好~
黎緊呢個禮拜仲約左coolman拒地禮拜五就cathy拒地~yeah~期待中!!

Wednesday, 04 March 2009

原來自己可以做野做得甘開心?!
一開頭一直覺得份工一般(待遇) 其實就真係好一般, 可能可以算係差添..對大學生黎講..
但係我初頭都係諗住做住先既心態啦..但其實做落左真係覺得OK...
可能因為唔係果D大集團..無咩鬥爭, so far都覺得同同事相處得好好
尤其是拒地會成日幫我, 我真係覺得自己好好彩, 好幸福 !
落樓下拎果D好大張既紙, 已經唔係第一次要人幫, 雖然的確係misson impossible囉如果要我拎晒
但係我其實可以分幾次拎, 人地無義務要幫我拎上12樓..但係拒地個個都好肯幫我!
桐哥<-公司同事真係超好人, 我覺得拒當我地3個新丁好似女甘湊掛? 哈哈
返到上去office..要包住果堆甘大疊既紙又係mission impossible既講真...
跟住又遇到隔離個production controller 幫我整..講真拒都唔係負責呢D野既..都肯幫...真係好好~
跟住仲要聽拒地個個人話樓下執紙比我果個人係好難頂..10個有8個都會比拒鬧走左
哈哈但我今日係第1次開口叫拒幫手~好彩拒都無鬧我者~淨係叫我唔洗怕醜哈哈
公司有人讚我靚, 勁開心~所以其實返工真係幾有滿足感~ 最有滿足係計完成份quotation !!
雖然次次計要死好多腦細胞又會錯左好多..但已經可以愈黎愈計得快~好開心呀哈哈~
不過...唯一唔好既就係真係要好早起身又要搭好耐車去....anyway啦希望probate之後人工高D就好lu~

Friday, 23 January 2009

已經N年無o係香港過年..今年係去美國讀書之後既第1年...原來過年有好多野搞架~只係因為以前未走時d野跟本唔會需要我幫手~所以而家就變左好似好多野做甘樣~尋日幫阿媽油左成日神主牌...我諗無咩人會做過呢樣野...初頭我都以為好易...好似小學做勞作甘填下顏色就ok..但原來唔易囉..因為好易會油出界..甘樣一搞就搞左成個下晝...今日繼續, 仲要搞埋痴揮春呀, 拜神果d野甘..因為d吉日同阿媽個生肖相沖渦, 甘就變左要我同我老豆呢兩個完全唔係熟手技工既人去做..有些少雞手鴨腳甘又搞左一個下晝啦~~不過雖然要做呢D野好似好奇怪甘..但我都無咩所謂..因為其實我都無宗教信仰既我都係當拒傳統野黎搞, 我見完自己既"作品"後真係好有滿足甘架, 因為我好比心機整架haha...anyway..今日整完d野之後就約埋奴偉一齊去石湖墟個年宵果到探阿棍...嘩..真係好細囉果到..基本上係無咩野睇,我都係純粹去探下班吹下水...之後就出去旺角啦..今晚約左cathy&connie+jackie食飯..好開心呀好耐無見拒地呀~~食飯傾左好耐計~聽下connie&jackie 講下新婚生活同埋honeymoon d 野..嘩 connie個老爺奶奶真係錫到拒濃呀~又幫拒洗衫又煮野比拒食甘~我覺得呢D生活上既野能夠可以分擔黎做, 唔好甘分階級..話邊個應該做呢D邊個應該做果d..係好事黎架見到拒地生活甘幸福我同cathy都好登拒開心~好姐妹黎架麻我地~食完野我地就去左行街喇~connie&jackie早走先我同cathy又係例牌下完去飲野~~今晚真係好happy!

Tuesday, 30 December 2008

已經好多年無試過甘長時間係情緒低落, 原來真係掩飾唔到~
雖然好努力係眾人面前扮到好似好唔care, 但其實真係好care
人地講一句我可以諗到好遠唔知拒係贈興定真係關心我既狀況
成件事好恐怖我唔知點解自己D情緒可以失控到甘, 已經唔知第幾晚既喪喊...
可能有d野可以令到我暫時唔記得左呢D唔開心同包袱
但到最後開心既事完左後只會更加失落..今晚多謝奴偉陪我~你令到我笑返, 你好叻!
當然, 其實除左奴之外, 我都好多謝我男朋友既
其實只係因為D小事而噪, 諗返起黎, 我有個甘唔好既屋企, 如果無呢個bf support我
我都好難挨到今時今日~ 所以我覺得我都係要努力, 學cathy話齋, 我都覺得拒係一個好人haha
賣花讚花香添...anyway..多謝真心聽我講野真心support我既人!
今日Panda都帶比我好歡樂既一日, 令到我唔記得D唔開心既野, 尤其係火車果陣..
我真係真心覺得好好笑!! 永遠都記得"擔泥"同埋今朝唱K既熱能蜜 XD Thanks!

Monday, 01 December 2008

尋日比個fd 話我唔update xanga 渦, 甘咪update下囉 XD
其實都無咩特別架喇~不過前排好成功地搞左個小學同學gathering, 第1次做搞手有甘既成積覺得好開心呀
雖然美中不足既係有D同學仔想黎但係又要返工最後係黎唔到~但我地果晚都玩得好開心~大部份人都係畢左業之後就無見過~有D變左好多~有D就一D都無變~真係好神奇呀~D人仲話我個樣一樣呀~哈好開心囉~甘即刻無老到XD 哈哈~~ 果日BBQ D相:
好細粒人頭添 =_="

另外....再之前d係同左coolman &前輩食飯+影相...好似好早過Christmas甘呀!!

Um......不過除左開心既事...唔開心既都有....就係好難find a job呀!! 有時真係好頹~覺得send左勁多application出去都無reply甘.....in 得果一兩份.....唉~之前真係勁情緒低落囉! 可能比左好多壓力自己搞到好depress甘....不過算啦我睇開左啦....加上屋企人都強調叫我唔洗急~甘我都安樂d既......
由于岩岩過左去呢個禮拜我同cathy喵都唔開心所以就搞左個LKF吐苦水大會....結果...苦水..都有吐d 既...但呀主角cathy喵就醉得好緊要囉...嚇死晒我地同行既朋友仔~anyway而家大家都開心返就一天都光晒啦~~果日既相:
好啦我覺得我又會隔好耐先update呢個blog架喇要知我近況就上我facebook睇我d相喇~bye

Monday, 20 October 2008

今日第一次同棍&奴偉一齊出街! 等拒地放左學之後就出發lu~~
去左九龍灣, 食左好貴既Ruby Tuesday!如果唔係有coupon就仲貴添....
不過真係好食既同埋好飽呀.....d service又真係好好, 其實係值呢個價既, 只係我地無喇喇無咩特別事慶祝又走去食好似怪左d 者 haha.....
食完去左打機....唱左20幾蚊玩督督機~玩左N鋪百萬問答, 但真係好好笑同好好玩
不過估錯處我地就好渣....3個人6隻眼都睇唔掂...我同阿棍平時2個人玩反而好D~~
玩完搭車走...係火車到玩我部新相機既一笑即拍功能~好好玩~~
下次約定左要去沙田食同樣既甜品~!! 因為我同棍都好想食返澳門果個軟心朱古力蛋糕~~!
呢d 係今日d 相~~~

Thursday, 02 October 2008

激死我.....成日禁錯制搞到打完d野無左....唔打喇!!!!!!
我淨係想講我仲係好掛住澳門呀...果邊咩都好過人..連警察都靚仔果人!! 我地去問路問左好多次都遇到唔同既靚仔...博物管賣飛果個又靚仔...連臨上船見到果個水警都系靚仔既...但返到香港係一個都無囉 XD
不過其實主要呢我同阿棍都係鐘意果邊無甘逼人同悠閑D既感覺...拒地D街好多都係細鋪頭仔甘..我覺得好過香港囉..周圍都商場..好悶架麻... 同埋d 野食真係好好食.......
唉~~~阿哥就好喇, 又有豪宅又有車渣....我自從係美國返左黎之後就咩都無晒呀!!仲要同埋d Big 6同埋水貨客住同一棟樓...真係好唔鐘意!!! 我一定一定要儲錢買車囉....頂唔順同人逼火車逼地鐵喇我!!好鬼討厭!
我同阿哥講, 話我同阿棍返香港時都好唔捨得, 跟住就話如果以後唔開心or 嬲既時候就可以撻一句...搭船過澳門呀!! (因為可以避世同relax XD) 跟住阿哥話甘拒果句會係搭飛機返加拿大...我諗諗下..我都驚自己有一日會頂唔順呢邊d 人而講...搭飛機返美國呀!! o係香港無大屋無車渣無名牌既日子真係...唉....但好衰唔衰d 人又係晒呢邊...如果我d 朋友全部同我一齊移居你話幾好呢..(妄想中..) 以前日恨夜恨返香港...返到黎覺得....好似都唔系果回事...又或者係我遇到d 人寧捨衰掛? 哈哈~唔知喇唉~~~
另外呢...澳門d 相放晒過Facebook架喇....你地過Facebook睇喇....
....頭暈仲未醫得好..星期五覆診~~遲D要去照MRI.....都唔知咩事!!! 好煩!

Tuesday, 23 September 2008

原本, 我好有mood諗住打下去澳門既開心事...但我想講有d 人真係令到我好失望囉~
除左算, 我唔知仲有咩可以做到, on居左甘多年... 我覺得自己真係蠢到爆燈~
may be 真係一路以黎得我一個係到一廂情願甘誤會左某d 野囉...ok 甘而家清楚晒囉
Enough is enough 我唔會再比自己為左呢d 人唔開心 !!
等我開心返我會再打去澳門既野~ 有d 人唔重視我者有其他人會重視我囉我想講~

Tuesday, 16 September 2008

好耐無返過xanga...頭先一次過睇晒d 朋友係呢排發生過既事...原來我真係好out囉..有好多野都唔知添....
尋日係豬貓既last 1日假期..我朝早同左阿棍去中旅搞掂過澳門d野就即刻出左去APM 見豬貓
我地想唱K 但係點知12點幾去已經FULL晒~ 甘唔想等所以就決定左去睇戲~睇Mamma Mia!
買完飛係隔離食左烏冬~好好食呀~ 但我唔知間野叫咩名...套戲出奇地好睇~d歌好好聽~
不過個故事就簡單左d囉~不過都值得一看既~睇完上左APM11樓打機~~~ 都無咩特別甘喇
夜晚約左奴偉同Panda睇張達明~Panda返工唔得閒同我地一齊食Dinner所以淨返我同奴偉2條友~
因為公眾假期掛~周圍都無位甘~最後去左IKEA 既CAFE食..我真係唔知IKEA有CAFE囉~哈
不過唔系甘好食.....食完join埋panda就去睇show....個show真係麻麻地...不過其實我都係志在見拒地多d..
睇完show返屋企時覺得時間過得好快~因為好多野傾..仲系地鐵影左白痴相...overall都係好開心既
希望好快可以再出黎見下面食下飯傾下計甘喇~